Toe Christene in Paulus se tyd agterkom dat die vernietiging van Jerusalem nader kom, wou hulle meer oor profetiese gebeure weet. Hulle was bang vir gerugte oor die genadeloosheid van indringerleërs wat menigtes in slawerny gevange geneem het. Dit het hierdie gelowiges laat besef dat gevaarlike tye naby was. Hulle het Paulus gevra om hulle meer te vertel oor wat sou kom en hoe om die tye te lees.
Paulus het geantwoord met hierdie woorde van versekering: “Maar oor tye en geleenthede, broeders, het julle dat aan julle geskryf word nie; want julle weet self baie goed dat die dag van die Here kom net soos ‘n dief in die nag” (1 Thessalonicense 5:1-2, AFR53).
In plaas daarvan om daarop te fokus om die toekoms te voorspel, het Paulus hulle aangespoor om bemoedig te word deur wat sou plaasvind wanneer Christus terugkom. “Want die Here self sal van die hemel neerdaal met 'n geroep, met die stem van 'n aartsengel en met die geklank van die basuin van God; en die wat in Christus gesterf het, sal eerste opstaan. Daarna sal ons wat in die lewe oorbly, saam met hulle in die wolke weggevoer word die Here tegemoet in die lug; en so sal ons altyd by die Here wees. Bemoedig mekaar dan met hierdie woorde” (1 Thessalonicense 4:16-18).
Paulus het in wese gesê: “Dit is nie nodig dat julle te veel besorg is oor al die vreesagtige tekens en rampe nie. Julle weet goed waaroor dit gaan. Dit dui alles op die koms van die Here Jesus om sy volk weg te neem.”
Dit is ‘n werklikheid dat die geskiedenis êrens heen op pad is. Ons kan seker wees dat die vinnige stroom ontvouende gebeure ons na God se ewige voorneme lei. Die wêreld is nie aan sy lot oorgelaat nie; die Here het die aarde nie verlaat nie, maak nie saak hoe goddeloos en ontrou die mens geword het nie. Inteendeel, God het eenvoudig die pas versnel. Wat ons nou sien, is 'n vinnige beweging van gebeure na die “een goddelike gebeurtenis” wat voorlê: die herskepping van 'n nuwe hemel en aarde waar Christus tot in alle ewigheid sal regeer.
As volgelinge van Christus, moet ons fokus nie op daaglikse nuusberigte wees nie. Ons moet nie stilstaan by oorloë en gerugte van oorlog nie. Toe Jesus gesê het: “En as hierdie dinge begin gebeur, kyk dan na bo en hef julle hoofde op, omdat julle verlossing naby is” (Lukas 21:28), het Hy vir ons gesê waar ons fokus moet wees.